for Gift 6: Lost in a Good Book — UNESCO City of Literature
In ma Uncle’s Cornpark
In ma uncle’s cornpark fin the hairst wis stooked
I hid in a shaif, a shaif fu o fuspers an mysteries
Wi a craa as ma ain familiar
The sun daunced ben the cornflooers
As I cocked in my stibble throne
Whyles, a moosie squeaked, kennin me
A princess in borraed claes
Wyvers spun tales o knichts an hidden treisur
An auld tattie bogle, leanin ower the dyke
Keckled deep in its thrapple like a warlock.
© Sheena Blackhall 2012
No comments:
Post a Comment