Wee Chookie Wren

Wee Chookie Wren

Wee chookie wren, will ye bide awhile?

Na sir, I canna be still for lang

Whit dae ye bring tae the fowk aroon?

A tale, the leaves o a buik, a sang

Wee chookie wren, ye traivel licht

Hae ye steppt frae a rainbow ooto the sun?

Blythness cams in the smaest pyoke

The shorter the veesit the mair the fun

Wee chookie wren, is yer nest nearhaun?

A gangrel birdie like me’s ay fleein

Fariver the wins o the Grampians blaa

A bird like me maun be up an daein!

© Sheena Blackhall, 2013